Türk klubunun forvardı: "Qarabağ" istədiyi nəticələri qazanacaq"

“Qarabağ”da oynadığım vaxtda da gördüm ki, bu komanda ən yaxşı yerlər üçün oynayır”.

Bunu Futbolxeber.az saytına açıqlamasında “Qazişehir” klubunun forvardı Raydel Pupon deyib.

Hollandiyalı forvardı “Qarabağ”dakı çıxışından danışıb. O, “Qarabağ”ın cari mövsümki oyunları haqda bunları deyib: “Düzünü desəm, Azərbaycan çempionatını izləmirəm. Sadəcə olaraq “Qarabağ”ın avrokuboklardakı çıxışından xəbərdaram. Asan qrup deyildi. Ona görə də çətin oldu. Amma “Qarabağ” hər zaman güclü komanda olduğunu göstərib. Fikrimcə, qarşıdakı oyunlarda “Qarabağ” daha rahat oynayacaq və istədiyi oyunları göstərib, istədiyi nəticələri qazanacaq”.

“Yenidən Azərbaycana dönmək? Bunu zaman göstərəcək. İndi “Qazişehir”dəyəm və bu klubla müqaviləm qüvvədədi. Daha sonra necə olacağını görəcəyik”- deyə, Raydel Pupon fikirlərini yekunlaşdırıb