Adrian Skarlatake: "Baltsan"ı məğlub etməliyik"

"Keşlə"nin futbolçusu Adrian Skarlatake Futbolxeber.az saytına açıqlama verib.

Rumıniyalı futbolçu Avropa Liqasının birinci təsnifat mərhələsində püşkatmadan “Baltsan”ın çıxmasını özləri üçün bu cür dəyərləndirib: “Baltsan” komandasını heç də zəif hesab etmirəm. Mən onlar barədə məlumat toplamağa başladım. Gördüyümdən onu deyə bilərəm ki, “Baltsan”ın çox sayda legioner oyunçuları var.

Ona görə də bu komandanı zəif adlandırmaq olmaz. Normal komandaya qarşı oynayacağıq. Ancaq təbii ki, biz onlarla oyunlara qələbə üçün çıxacağıq. Çünki bütün istəyimiz qalib gəlib mərhələ adlamaqdı. Asan olmayacaq, ancaq biz “Baltsan”ı məğlub etməliyik”.