“Neftçi” “bürünc” qazandı, “Sumqayıt” “dördlük”dən kənarda qaldı

Topaz Premyer Liqasında sonuncu - 28-ci tura start verilib.

Futbolxeber.az saytının məlumatına görə, ilk oyun günündə 3 oyun keçirilib. Əsas diqqətlər Gəncə və Sumqayıta yönəlib. “Neftçi” səfərdə “Kəpəz”in qonağı olub və 2:1 hesabı ilə qalib gələrək 3-cü yeri, eyni zamanda Avroliqaya vəsiqəni təmin edib.

Sumqayıtda eyniadlı komanda “Zirə”ni qəbul edib. Gərgin keçən oyun qonaqların 2:1 hesablı qələbəsi ilə yekunlaşıb. Bununla da "Zirə" çempionatı 4-cü yerdə başa vurub. Əgər Azərbaycan kubokunun finalında "Qəbələ" "Keşlə"yə qalib gələrsə, bu halda "Zirə" Avroliqada iştirak edəcək. Əks halda kubokun sahibi kimi Avropa Liqasına "Keşlə" yollanacaq.

Digər matçda isə “Səbail” “Keşlə”ni sınağa çəkib və 0:1 hesabı ilə uduzub.

Qeyd edək ki, mövsümə sabah keçiriləcək “Qəbələ” - “Qarabağ” matçı ilə yekun vurulacaq. Paytaxtda oynanılacaq bu görüşdən sonra Peşəkar Futbol Liqası ilk üçlüyün sahiblərinə medalları təqdim edəcək.

Topaz Premyer Liqası

28-ci tur

20 may (bazar)

"Sumqayıt” - "Zirə” 1:2

Qollar: Cavid İmamverdiyev, 13 (1:0), Aleksandr Dedov, 68 (1:1), Tounkara, 94 (1:2)

Hakimlər: Rauf Cabbarov, Yaşar Abbasov, Nahid Əliyev, İnqilab Məmmədov

"Kapital Bank Arena”

"Kəpəz” – "Neftçi” 1:2

Qollar: Ruslan Abışov, 63 (0:1), Şəhriyar Rəhimov, 67 (1:1), Lukas Qomes, 79 (1:2)

Qırmızı vərəqə: Kiril Petrov, 87 ("Neftçi")

Hakimlər: Rəhim Həsənov, Vaqif Musayev, Elman Musayev, Ramil Diniyev

Gəncə şəhər stadionu

"Səbail” - "Keşlə” 0:1

Qol: Rafael Məhərrəmli, 63

Hakimlər: Vüqar Həsənli, Zeynal Zeynalov, Mübariz Haşımov, Mehman Mahmudov

Əlavə köməkçi hakimlər: Əliyar Ağayev, Orxan Məmmədov

"Bayıl Arena”

21 may (bazar ertəsi)

19:00. "Qəbələ” - "Qarabağ”

Hakimlər: Rəşad Əhmədov, Rza Məmmədov, Knyaz Əmiraslanov, Əliyar Ağayev

“Azersun Arena”

Bombardirlər:

Baqali Dabo ("Qəbələ) - 13 qol
Amil Yunanov ("Sumqayıt") - 10 qol
Stiven Monroz ("Qəbələ") - 9 qol