Millimiz İrlandiyaya uduzdu

Avropa çempionatının elit-raund mərhələsində çıxışını davam etdirən 17 yaşadək qızlardan ibarət Azərbaycan milli komandası növbəti oyununu keçirib.

Futbolxeber.az saytının məlumatına görə, İrlandiyanın müvafiq yaş qrupundan ibarət komandası ilə qarşılaşan yığmamız 0:1 hesabı ilə məğlub olub. Yeganə qolu 47-ci dəqiqədə Boyl-Karr vurub.

U-17 bu mərhələdə son oyununu martın 28-də İslandiya yığmasına qarşı keçirəcək.

Xatırladaq ki, millimiz martın 22-dəki ilk görüşündə meydan sahibi Almaniyaya böyük hesabla (0:5) uduzub. İki oyundan sonra xal toplaya bilməyən komandamız qrupda dördüncü yeri tutur.