Ölkə futbolu

AFFA-dan idman şərhçiləri üçün seminar

Şriftin ölçüsü:

31.05.2017 12:53

İyunun 6-da AFFA-nın Futbol Akademiyasında assosiasiyanın təşəbbüsü və maliyyə dəstəyi ilə ölkəmizdə fəaliyyət göstərən televiziya və radioda çalışan idman (xüsusilə də futbol) şərhçiləri üçün seminar keçiriləcək. Futbolxeber.az-ın məlumatına görə, seminara rusiyalı televiziya və radio şərhçisi, idman jurnalisti Aleksandr Kuzmak rəhbərlik edəcək.

Seminarda iştrak etmək istəyən şərhçilərin iyunun 5-dək qeydiyyatdan keçmələri xahiş olunur.

Qeydiyyatdan keçmək üçün tələb olunanlar:

1. Qeydiyyatdan keçənin adı, soyadı

2. Təmsil etdiyi KİV

3. Vəzifəsi

4. Əlaqə nömrəsi və e-mail ünvani

5. Mövzü: seminarda iştirak etmək üçün

Yuxarıda qeyd olunanlar 5 iyun saat 14:00-a qədər [email protected] ünvanına göndərilməlidir. Müraciət edənlər qeydiyyat üçün tələb olunanların hər birini təqdim etdikdən və [email protected] ünvanından müvafiq təsdiq cavabı aldıqdan sonra qeydiyyatdan keçmiş hesab olunacaqlar.

Qeyd edək ki, AFFA-nın təşəbbüsü və maliyyə dəstəyi ilə ilk belə seminar 2009-cu ildə məşhur teleşəhərçi Vladimir Maslaçenko tərəfindən keçirilib.

Aleksandr Aleksandroviç Kuzmak

Rusiyalı teleaparıcı, idman şərhçisi və telejurnalist

Rusiya xokkey milli komandasının PR meneceri

Aleksandr Kuzmak 1973-cü il mayın 10-da Moskvada anadan olub

1990-cı ildə xüsusi Fransız orta məktəbini bitirib

O, Moskva Dövlət Universitetinin iqtisadiyyat fakültəsini (1995) bitirdikdən sonra ixtisası üzrə çalışıb. "Delovaya Volna", "Maksimum", "Rus xəbər xidməti" radiokanallarında müxtəlif proqramların aparıcısı olub.

1999-cu ildə Radio Sport 103'4 FM-də fəaliyyətə başlayıb.

1999-cu ilin sonundan 2006-cı ilədək "NTV-Plyus" idman kanalında çalışıb.

Tennis, xokkey və mini-futbol üzrə şərhçi olub.

NTV və TV-6 kanallarında idman xəbəri aparıcısı vəzifəsində çalışıb.

Turin-2006 Olimpiya Oyunlarında Rusiya milli xokkey komandasının mətbuat katibi olub.

2002, 2004, 2006, 2008, 2010, 2012 və 2014-cü il Olimpiya Oyunlarında fəaliyyət göstərib.

UEFA Çempionlar Liqası, futbol üzrə dünya və Avropa çempionatı (2008, 2010, 2012) oyunlarını şərh edib.

2006-cı ildən 2013-cü ilədək tennis, xokkey və futbol oyunları şərhçisi, "Vesti-Sport", "Bolşoy Sport", "Rusiya xokkeyi" və "Nazirə sual ver" verilişlərinin aparıcısı, oyunöncəsi studiyaların, Olimpiya Oyunlarının gündəliklərinın aparıcısı olub.

2006-cı ildən "Sport FM» 93'2 FM-də işləyir. 2013-cü ilin oktyabrdan bu radiokanalın informasiya şöbəsinin müdiridir.

Səhər şousu "Pinq Ponq şou" və "100% səhər" sousunun aparıcısıdır.

2015-ci il sentyabrın 18-də "Matç TV" idman kanalının xəbərlər üzrə icraçı prodüseri təyin edilib.

2016-cı il yanvarın 30-dan iyunun 25-ə qədər bu telekanalda "İdman məsələləri" proqramının aparıcısı olub və Rusiyanın İdman naziri Vitali Mutko ilə birlikdə hər ayın yekunlarına dair proqram hazırlayıb.

2016-ci ilin avqustunda Rio de Janeiro Olimpiya Oyunlarında sonra bu telekanalı tərk edib.

2016-ci ilin payızından Eurosport-1 telekanalında MXL oyunlarının əsas şərhçilərindən biridir.

Andrey Qolovanovla birgə "Birinci Kanal"da xokkey üzrə dünya çempionatı oyunlarının şərhçisidir.

Mükafatları

- Pavel Bureyə həsr edilən “Rus Raketinin Uçuş" filminə görə Milanda keçirilən idman haqqında sənədli filmlər üzrə Beynəlxalq festivalının «Sport Movies & TV — 2004» Qran-Prisi "Şərəf əklil".

- "80-lərin maqiyası" proqramına görə "Ən yaxşı radio proqramı" nominasiyasında ikinci dərəcəli diplom.

Xəbəri paylaş