PFL ayın ən yaxşı qolunu seçir

Peşəkar Futbol Liqası Topaz Premyer Liqası ilə yanaşı, birinci divizion yarışlarını da daim diqqətdə saxlayır.

Futbolxeber.az saytının məlumatına görə, qurum artıq 6-cı dəfə birinci divizionda ayın ən yaxşı qolunu müəyyənləşdirəcəyik.

Birinci ivizionda vurulan ən yaxşı qol (5 qol arasından) azarkeşlər, idman jurnalistləri və Peşəkar Futbol Liqası tərəfindən səsvermə yolu ilə seçilir. Ay ərzində vurulan ən yaxşı 5 qolun videosu Peşəkar Futbol Liqasının rəsmi saytında yerləşdirilir. Azarkeşlər sayta daxil olub, ən yaxşı qolu müəyyənləşdirmək imkanına malik  olurlar. Azarkeşlər və jurnalistlər ayrı-ayrılıqda səsvermənin 40 faizinə sahibdirlər. Səsvermə zamanı hüquqların 20 faizi Peşəkar Futbol Liqasına məxsusdur. Əgər səsvermə zamanı jurnalistlər bir, azarkeşlər digər futbolçunu 1-ci yerə layiq görərsə, PFL ikisi arasında seçim edib, ən yaxşını müəyyənləşdirir. Əgər hər iki tərəfin seçimi üst-üstə düşərsə, bu zaman PFL səsvermə hüququndan istifadə etmir. Başa çatan aprel ayının ən yaxşı qolu artıq saytımızda yerləşdirilib. 

Qeyd edək ki, PFL-in rəsmi saytında sorğunun alt hissəsində yerləşdirilmiş “flash banner”in üzərinə klik edib aprel ayında birinci divizionda vurulmuş 5 gözəl qolu izləyib, seçim etmək olar. Sorğu 10 maya qədər qüvvədə olacaq.