“Neftçi”də istefa: “Budur bizim biabırçı idarəçilik, biabırçı rəhbərlik”

“Neftçi” rəhbərliyi azarkeşlərlə iş üzrə əlaqələndirici Kənan Hənifəyevi vəzifəsindən göndərib. Futbolxeber.az-ın məlumatına görə, bu barədə paytaxt klubunun azarkeşlərinin "Facebook" səhifəsində paylaşım edib. 

 

Bildirilir ki, onun vəzifəsindən azad edilməsinə Topaz Premyer Liqanın 24-cü turunun “Sumqayıt”a qarşı matçında bəzi azarkeşlərin klub rəhbərliyini və məşqçi heyətini istefaya səsləməsi səbəb göstərilir.

 

Həmin paylaşımda fanatlar klub rəhbərliyinin bu qərarını belə şər edib: “Bəli, artıq son iki məğlubiyyətin günahkar tapılıb və bundan sonra komandamız “qələbələri sıralayacaq”. Demə, ən böyük günahkar klubumuzun azarkeşlər üzrə kordinatoru Kənan Hənifəyev imiş. Bəli, dünən (2 aprel – red.) məhz onun meydana buraxdığı 11-lik azarkeşlərimizi məyus etdi. Məhz Kənan qapıya Baykoviçi deyil, Vaylonu qoymuşdu. Hətta bu da azdır. 2-ci hissədə Kənan meydana çıxmalı, Cavidin göyqurşağına göndərdiyi topu ordan endirib Fərhadın qapısından keçirməli idi. Bax budur bizim biabırçı idarəçilik, biabırçı rəhbərlik”

 

Qeyd edək ki, həmin oyunda "Neftçi" "Sumqayıt"a 0:2 hesabı ilə məğlub olub.