Dmitri Nazarov: “Almaniyaya asan təslim olmayacağıq”

Azərbaycan millisinin futbolçusu Dmitri Nazarov açıqlama verib. Futbolxeber.az saytının məlumatına görə, "Ersqebirqe" (Almaniya) klubunun yarımmüdafiəçisi yığma komandamızın Almaniya ilə  keçiriləcək oyunundan danışıb. 

 

26 yaşlı oyunçu rəqibin güclü olduğunu desə də, iddialı asan təslim olmayacaqlarını da sözlərinə əlavə edib: “Biz dünyanın ən yaxşı komandalarından birinə qarşı oynayacağıq. Heyətində ulduz futbolçular var. Onlar qarşı oynamaq heç bir komanda üçün asan deyil. Eləcə də bizim üçün çətin olacaq. Amma Azərbaycan yığması vaxtilən İtaliya və Xorvatiya kimi komandalara qarşı güclü oyun göstərib. Ona görə də narahat deyiləm. Asan təslim olmayacağıq”.

 

Qeyd edək ki, martın 26-da Tofiq Bəhramov adına Respublika stadionunda keçiriləcək sözügedən qarşılaşma saat 20:00-sa start götürəcək.