“Neftçi” "Ana harayı” abidəsini ziyarət etdi

"Neftçi” PFK-nın kollektivi Xocalı soyqırımı qurbanlarının əziz xatirəsini yad edib.

Futbolxeber.az saytının məlumatına görə, klub rəhbərliyi, məşqçilər heyəti və futbolçular şəhidlərimizin ruhuna ehtiram əlaməti olaraq ucaldılmış "Ana harayı” abidəsini ziyarət ediblər.

Xocalı soyqırımı 25 il dönümü ilə əlaqədar klubun rəsmi saytında yer alan başsağlığında bildirilir ki, bu gün Azərbaycan tarixinin ən faciəli səhifələrdən biridir: "XX əsrin faciəsi olan Xocalı soyqırımı zamanı yüzlərlə insan erməni vəhşiliyinin qurbanına çevriliblər. Bu faciə təkcə Azərbaycan xalqına deyil, bütün insanlığa, bəşəriyyətə qarşı yönəlmiş ən ağır cinayətlərdən biridir. Bu gün Xocalı soyqırımından 25 il ötür. Allah rəhmət eləsin”!