“Zirə” legioneri ilə yolları ayırır

Qış fasiləsinə 5-ci pillədə yollanan “Zirə” bir futbolçusu ilə yolları ayıracaq. 

 

Futbolxeber.az-ın məlumatına görə, Misir əsilli hücumçu Yasin Həmid məşqçilər korpusunun gələcək planlarına daxil deyil. Ukrayna vətəndaşı olan 23 yaşlı futbolçunun “Zirə” ilə müqaviləsi hələ bitməyib. Dövrələrarası fasilədə imzalanmış sözləşməyə əsasən, Həmid 2019-cu ilin yayına qədər paytaxt klubunun formasını geyinməlidi. Lakin yeni komandasında özünü yaxşı tərəfdən göstərə bilməyən Yasinin göndərilməsi nəzərdə tutulub. Sadəcə, keçmiş “Rəvan”lının “Zirə”ni hansı şərtlərlə tərk edəcəyinə hələ aydınlıq gəlməyib.

 

Tərəflər arasında razılıq əldə olunsa, Yasinin müqaviləsinə son qoyulacaq. Rəhbərliyin bu təklifini qəbul etməyəcəyi halda isə Həmid hansısa kluba icarəyə veriləcək.

 

Qeyd edək ki, cari mövsümdə 3 oyunda iştirak edən Yasin Həmid ümumilikdə 9 dəqiqə meydanda olub. (Apasport.az)