“Biz də çempionluğa oynayırıq”

“Çətin oyun keçdi. Maraqlı qarşılaşma alındı. 90 dəqiqə ərzində gərgin mübarizəyə şahidlik etdik”. Futbolxeber.az saytına açıqlamasında bu sözləri MOİK-in qapıçısı Ağaseyid Qasımov deyib.

I divizionun XI turunda MOİK öz meydanında “Turan Tovuz”la heç-heçə oynayıb - 2:2.

Qasımov liderdən xal aldıqları görüş haqda bunları söyləyib: “Liderdən xal aldıq. Biz də çempionluğa oynayırıq. Buna görə də xal qazanmağa məcburuq. Mövsümün gedişatında çoxlu xal itirmişik. İndi itirdiyimiz xalları yenidən toplamalıyıq ki, liderlərə çataq”.

Qasımov bir müddət əvvəl komandada baş verən məşqçi dəyişikliyi ilə bağlı sualı belə cavablandırıb: “Komandada məşqçi dəyişikliyi oldu. Hazırda hər şey qaydasındadır. Hər hansı problemimiz yoxdur”.

“Layihə AFFA yanında Media Komitəsi tərəfindən maliyyələşdirilir”