"İnter"i keçməyimiz mümkündü"

Avroliqanın ilk təsnifat mərhələsində "İnter"in rəqibi olan Finlandiya təmsilçisi "Mariehamn"in prezidenti Robert Söderdalh püşkatmanın nəticəsinə münasibət bildirib. Futbolxeber.az-ın məlumatına görə, klub rəhbəri Finlandiya mətbuatına verdiyi açıqlamada "İnter"i keçə biləcəklərini bildirib: "Püşkdən sonra bir qədər qarışıq hisslər keçirdim. Həyəcanlı idim. Bu da uzaq yol gəlməyimlə bağlı ola bilər. "İnter"i ətraflı analiz etməyə çalışacağıq. Təbii ki, rəqibə hörmətlə yanaşırıq. "İnter" sırf idman klubudur. Yaxşı oyunçulara malikdirlər. Ancaq "İnter"i keçmək mümkünsüz deyil. Sadəcə, komandamızın bir qədər bərkiməsi və güclənməsi gərəkir".