Qriqorçuk: “İstəyirəm ki, Cavid tez bir zamanda məşqlərə başlasın”

"Qəbələ"nin baş məşqçisi Roman Qriqorçuk komandasının yarımmüdafiəçisi Cavid Hüseynovun həbsdən azad olunmasına münasibət bildirib. Futblxeber.az saytının məlumatına görə, azerisport.com-a açıqlamasında ukraynalı mütəxəssis bunları söyləyib:

"Sadəcə onu deyə bilərəm ki, buna həddən çox sevindim. Tezliklə onu görmək istəyirəm. İstəyirəm ki, tez bir zamanda məşqlərə başlasın. Onun hansı vəziyyətdə olduğunu bilmək üçün 3-4 gün izləməliyəm. Amma heç bir tələsən yerimiz yoxdur".