“Neftçi” finala çıxmasa, kubokun həlledici görüşü Lənkəranda keçirilə bilər”

Bu mövsüm ölkə kubokunun finalı bölgələrdən birində keçiriləcək. Futbolxeber.az saytının məlumatına görə, bu haqda Peşəkar Futbol Liqasının prezidenti Ramin Musayev açıqlama verib: “İstərdik ki, kubokun finalını Lənkəranda keçirəcək. Klub fəaliyyətini dayandırsa da, orada xeyli sayda futbolu sevən insan var. “Neftçi” finala çıxmasa, kubokun finalı Lənkəranda keçirilə bilər. “Neftçi” finala çıxsa, o məsuliyyəti üzərimə götürə bilmərəm. Digər variant Gəncədir. Təbii ki, bunun üçün stadionun vəziyyətinin necə olması vacibdir. “Qəbələ” finala çıxmasa, həlledici qarşılaşmanı Qəbələdə də keçirmək mümkündür. 90 faiz final bölgədə keçiriləcək”.