“Elvin Yunuszadəyə göstərilən qırmızı vərəqə bizim çempionatda olsaydı...”

“Ötən il finala yüksələn komandalar buna layiq idilər. Bunu Avrokuboklardakı çıxışlarında da göstərdilər. Çalışacağıq ki, bu il də hər şey düzgün olsun. Hər kəs layiq olduğu yeri tutsun”.

Futbolxeber.az saytının məlumatına görə, bu sözləri Peşəkar Futbol Liqasının prezidenti Ramin Musayev deyib.

Ölkə kubokunun püşkatma mərasimində çıxış edən Musayev hakimlik məsələsinə də toxunub: “Əlimizdən gələni edirik ki, biz tərəfdən heç bir problem olmasın. Bizim üçün komandalar arasında fərq yoxdur. Klublar arasında ilk növbədə mehribançılıq olmalıdır. Hakimlər bəzən səhv edirlər. Mənim üçün fərqi yoxdur - “Qarabağ”, “Rəvan” və ya “Şəmkir” olsun. “Fiorentina” ilə oyunda Elvin Yunuzadəyə göstərilən qırmızı vərəqə bizim çempionatıda olsaydı, biabır edərdilər. Səhv səhvdir. Əsas odur ki, kimisə qələbədən məhrum etməyək. Bizim aramızda qərəzli hakim yoxdur, ola da bilməz”.