Filip Ozobiç: “Lill”i udmaq olar”

“Erkən qol vurduq. Bu məqam işimizi asanlaşdırdı. Hər 2 oyunda MTK-dan güclük idi. Layiqli şəkildə mərhələ adladığımızı düşünürəm”. Futbolxeber.az saytına müsahibəsində bu sözləri “Qəbələ”nin üzvü Filip Ozobiç deyib.

Xorvat futbolçu Macarıstan 2:1 hesablı qələbə qazanmalarına baxmayaraq, cavab matçına ciddi yanaşdıqlarını vurğulayıb: “Arxayınçıqlıq olmadı. Görüşə ciddi hazırlaşdıq. Bunun da nəticəsində oyuna üstün başladıq. Rəqibə heç bir şans vermədik”

Ozobiç növbəti mərhələdə üz-üzə gələcəkləri “Lill”dən də söz açıb: “Təbii ki, növbəti rəqibimiz daha gücüdür. Amma “Lill”i udmaq olar. Bunun üçün bütün gücümüzü meydanda qoymalıyıq”

Filip Ozobiç vurğulayıb ki, ilk matçı səfərdə keçirməyin ciddi önəmi yoxdur: “İlk matçı səfərdə keçirməyimizin fərqi yoxdur. Onsuz da həm evdə, həm də səfərdə meydana çıxacağıq. Əsas yaxşı hazırlıq keçib, tam gücünlə mübarizə aparmaqdır”,

“Qəbələ”nin yarımmüdafiəçisi matçdan sonra MTK-nın müdafiəçisi Mato Qrqiçlə səmimi söhbət etməsinin səbəbini də açıqlayıb: “O mənim uşaqlıq dostumdur. Xeyli müddət birgə çıxış etmişik, Qrqiç mənim kapitanım olub. Söhbətimiz zamanı o da etiraf etdi ki, “Qəbələ” üstün idi”.