“Daçiya” hələ də Bakını tərk edə bilməyib

İstanbul Atatürk Hava Limanında baş vermiş terror aktına görə Moldova “Daçiya”sı hələ də Bakını tərk edə bilməyib. Futbolxeber.az saytının məlumatına görə, “Daçiya”nın üzvləri dünən matçdan sonra hava limanına yollanıblar. Gecə saat 2-də komanda üzvləri pasport nəzarətindən keçsələr də, sonradan məlum hadisəyə görə uçuşun baş tutmayacağı məlum olub. Otelə qayıdan komanda üzvləri hələ də Bakıdadırlar. Hazırda klub rəhbərliyi Kişinyova yollanmaq üçün başqa variantlar axtarırlar.

Qeyd edək ki, dünən Avroliqanın I təsnifat mərhələsi çərçivəsində Bakıda “Kəpəz”in qonağı olan “Daçiya” qolsuz bərabərliyə nail olub. Komandalar arasında cavab oyunu iyulun 7-də Moldovada baş tutacaq.