Fransalı hücumçu “Qəbələ”də

“Qəbələ” Avroliqa öncəsi heyətini daha bir futbolçu ilə gücləndirib. Futbolxeber.az saytının Fransa mətbuatına istinadən verdiyi məlumata görə, “Qırmızı-qaralar” Baqali Dabonu heyətinə qatıb.

1980-cı ildə anadan olan forvardın boyu 180 smdir. O, futbolda ilk addımlarını “Loryen”də atıb. Peşəkar karyerasına “İvry”da başlayıb. Bu klubun heyətində 55 oyunda 16 qol vuran Dabo 2011-2013-cü illlərdə “Kretey”in formasını geyib və 54 oyunda 14 dəfə fərqlənib. 27 yaşlı forvard 2013-14 mövsümünü “İstr”da (32 oyun, 7 qol) keçirdikdən sonra yenidən “Kretey”ə qayıdıb. 2014-ü ildən köhnə-yeni klubunda keçirdiyi 44 oyunda Dabo 3 qol vurub.

Qeyd edək ki, fransız futbolçu “Qəbələ”nin yayda heyətinə qatdığı 4-cü futbolçudur. Buna qədər Roman Qriqorçukun komandası Nika Kvekveskiri, Filip Ozobiç və Teo Uiks Luislə güclənib.