Svanadze: “Nəticədən razıyam”

“İnter” in baş məşqçisi Zaur Svanadze Premyer Liqanın 30-cu turunda “Kəpəz”lə bərabərə qaldıqları oyun haqda danışıb. Futbolxeber.az saytının məlumatına görə, gürcü mütəxəssis nəticədən razı qaldığını qeyd edib: “Çox vacib 1 xal qazandıq. Birinci hissədə üstünlük tərəfimizdə olsa da, rəqib qol vurdu. “Kəpəz” qapımıza 1 zərbə endirdi və o da qol oldu. Üstəlik penaltidəm. Fasilədən sonra hesabı bərabərləşdirdik. Bundan sonra işimiz çətin oldu. Nəticədən razıyam. Artıq növbəti oyunlara hazırlaşmalıyıq. Qarşıda bizi ciddi oyunlar gözləyir”.

Svanadze komandasının qapısına təyin olunan penalti epizodu ilə bağlı dəqiq fikir bildirməyib: “Hazırda bu haqda heç nə deyə bilmərəm. Oturduğum yerdən məsafə uzaq idi. Epizodun təkrarına baxdıqdan sonra dəqiq fikir bildirmək mümkündür” (CBC-Sport).