“Zirə” almanlara da uduzdu

“Zirə” Türkiyənin Antaliya şəhərində təşkil olunan təlim-məşq toplanışında bu gün ikinci yoxlama oyununda qüvvəsini sınayıb. Futbolxeber.az-ın məlumatına görə, təmsilçimiz Almaniyanın Regional liqası təmsilçilərindən “Optik”lə qarşılaşıb.

 “Zirə” meydana Anar Nəzirov, Sadiq Quliyev, Yovan Krneta, Aleksandr Şemonayev, Tellur Mütəllimov, Dieqo Souza, Vüqar Mustafayev, İqor İvanoviç, Rəşad Abdullayev, Nurlan Novruzov “11-liyi” ilə çıxıb. Oyunun 2-ci hissəsində baş məşqçi Adil Şükürov meydana Kamal Bayramov, Adil Nağıyev, Ruslan Poladov, Nicat Qurbanov, Tərzin Cahangirov və Nelson Bonillanı buraxıb. Matç “Zirə”nin 0:1 hesablı yenilgisi ilə tamamlanıb.

Qeyd edək ki, daha əvvəl Qazaxıstanın “Ordabaşı” klubuna 1:4 hesabı ilə uduzan “Zirə” toplanış zamanı son oyununu yanvarın 22-də Rumıniyanın “Tırqu-Mureş” klubuna qarşı keçirəcək.