“Neftçi”nin azarkeşləri həbs olundu

Premyer Liqanın X turu çərçivəsində keçirilən “Neftçi” - “Inter” oyununda insident yaşanıb. Futbolxeber.az-ın məlumatına görə, sevimli komandalarının vurduğu qolu petarda yandırmaqla qeyd etmələri “Neftçi” azarkeşlərinə baha başa gəlib. Belə ki, oyunun fasiləsində fanatlardan ikisi jurnalislərin gözləri önündə saxlanılıblar. Həbs olunan azarkeşlər yaxınlıqdakı polis bölməsinə aparılıblar.

Qeyd edək ki, “Neftçi” rəsmilərindən Mübariz Xudiyev azarkeşlərin həbsinin qarşısını almaq üçün polislərlə söhbət etsə də, asayiş keşikçilərinin fikirlərindən daşındırmaq mümkün olmayıb.