“Qəbələ” ilə hesablaşmamaq olmaz”

Avroliqanın qrup mərhələsində “Qəbələ”nin rəqibi olan “Krasnodar”ın baş məşqçisi Oleq Kononov püşkün nəticəsini dəyərləndirib. Futbolxeber.az-ın məlumatına görə, belaruslu mütəxəssis “Qəbələ” və PAOK-la birgə qrupda ikinci yer uğrunda mübarizə aparacaqlareını qeyd edib: “Heç bir şübhəsiz, qrupun əsas favoriti “Borussiya”dır. Digər 3 komanda isə qrup ikinciliyi uğrunda mübarizə aparacaq. Şanslar bərabərdir”.

49 yaşlı mütəxəssis “Qəbələ”dəki həmkarı Roman Qriqorçuk barədə də müsbət fikirlər səsləndirib: “Rəqiblərin üçünü də yaxşı tanıyıram. Azərbaycan təmsilçisinin baş məşqçisi Roman Qriqorçuk mənə yaxşı tanışdır. O, Ukrayna klubların da çalışmış çox güclü mütəxəssisdir. Yaxın keçmişdə Qriqorçukun rəhbərliyi altında “Çernomorets” Avroliqada çox yaxşı çıxış etmişdi. Hazırda “Qəbələ”də bir neçə ukraynalı futbolçu çıxış edir. Onlar da mənə yaxşı tanışdırlar. Odur ki, “Qəbələ” ilə hesablaşmamaq olmaz”.