"Gözəl oyun olmayacağını bilirdim"

“Futbolçulara tapşırmışdım ki, mümkün qədər qol vurmaq lazımdı.  Bilirdim ki, gözəl oyun olmayacaq”. Futbolxeber.az-ın məlumatına görə, bu sözləri “Neftçi” ilə oyundan sonra AZAL-ın baş məşqçisi Tərlan Əhmədov deyib.

Əhmədov qolsuz başa çatan oyundan sonra bildirib ki, komandasından razı qalıb: “Odur ki, futbolçulardan sırf nəticə tələb etmişdim. Düzdür, qol vura bilmədik. Amma komandanın oyunundan razı qaldım. Hücumda müəyyən çətinliklərimiz oldu. Çalışacağıq ki, bu problemləri aradan qaldıraq. Düzdür, mən 1 həftə Bakıda olmamışam. Buna rəğmən, komanda proqram əsasında çalışıb. Mən olmadığım müddətdə görülən işdən razı qalmışam. Hər hansı bir nöqsan yoxdur”.