Ruslan Abışov “Qəbələ”də qaldı

Müqavilə ilə “Rubin”ə məxsus olan, lakin mövsümün ilk yarısında “Qəbələ”nin formasını geyən Ruslan Abışovun gələcək taleyi müəyyənləşib. Futbolxeber.az-ın məlumatına görə, Abışov mövsümün ikinci yarısını da “Qəbələ”də keçirəcək. Dünən Antalyaya yollanan təcrübəli futbolçu şimal klubunun heyətində məşqə də çıxıb. Hələ ki, Ruslanın “Qəbələ” ilə yeni müqaviləsinin detalları bəlli deyil. Bununla belə, “qırmızı-qaralar” onu çox güman ki, yaya qədər icarəyə götürüblər.

Qeyd edək ki, Azərbaycan yığmasının da üzvü olan Ruslan karyerası ərzində “Neftçi” və “Xəzər Lənkəran” klublarının da formasını geyinib (apasport.az).