“Futbolçularımın alnından öpürəm”

“Bakı”nın baş məşqçisi İbrahim Uzunca “Araz Naxçıvan”ı məğlub etdikləri oyun (2:1) haqda danışıb. Futbolxeber.az-ın PFL-in rəsmi saytına istinadən verdiyi məlumata görə, türkiyəli mütəxəssis qələbəni klub rəhbərliyinə həsr edib: “1 həftədir ki, bu oyuna hazırlaşırdıq. Ötən oyunda “İnter”ə böyük hesabla məğlub olmuşduq. Amma həmin məğlubiyyətdən sonra biz biri-birimizə dəstək olduq. Bu gün biz tam üstün oynadıq və qələbə qazandıq. Sıxıntılı günlərdə mübarizədən qopmayan futbolçularımızın alnından öpürəm. Qələbəni klub rəhbərliyinə həsr edirik”.