“İnter” yubileyini qeyd etdi

“İnter” klubu 10 illik yubileyini qeyd edib. Futbolxeber.az-ın mlumatına görə, Bakıdakı otellərin birində təşkil olunan mərasimdə Premyer Liqa klublarının rəsmiləri, AFFA və PFL rəhbərliyi, idman ictimaiyyətinin tanınmış simaları, eləcə də KİV nümayəndələri iştirak ediblər. Amma mərasimə nə klubun fəxri prezidenti Cahangir Hacıyev, nə də AFFA prezidenti Rövnəq Abdullayev qatılıb. 

Tədbirdə ilk öncə “İnter”in prezidenti Georgi Nikolov çıxış edib. Qonaqları Azərbaycan dilində salamlayan Nikolov, klubun tarixindən, zəfərlərindən və ölkə futboluna xidmətindən bəhs edib. Daha sonra səhnəyə dəvət olunan AFFA-nın baş katibi Elxan Məmmədov təbriklə yanaşı, kluba gələcək fəaliyyətində uğurlar arzulayıb.

Daha sonra mükafatlandırma mərasimi keçirilib. Elxan Məmmədov, Ramin Musayev, eləcə də “İnter”in bu günə kimi fəaliyyətində böyük rolu olan şəxslərə hədiyyələr təqdim olunub.

Daha sonra mərasim bədii hissə ilə davam etdirilib.