“Real” fransız futbolçu üçün 200 milyon avro ödəməyə hazırdır

“Real” Fransa millisinin üzvü Maykl Olise üçün yeni təklif hazırlayıb.

Futbolxeber.az saytının məlumatına görə, “Bavariya” Madrid klubunun əvvəlki – 150 milyon avroluq təklifini geri çevirmişdi.

“Sky Sports”un iddiasına görə, “Real” bu dəfə Olise üçün 200 milyon avro təklif edəcək. “Bavariya”nın bu təklifə necə cavab verəcəyi maraq doğurur.

Qeyd edək ki, 24 yaşlı futbolçu Münhen klubunda 2024-cü ilin yayından çıxış edir. Onun “Bavariya” ilə sözləşməsi 2029-cu ilin iyununda başa çatır.