Yuri Maksimov: “Azərbaycandan mənə dedilər ki, gözləyin”

Ukraynalı məşqçi Yuri Maksimov Azərbaycandan təklif aldığını açıqlayıb.

Futbolxeber.az saytının məlumatına görə, vaxtilə “Keşlə”ni (indiki “Şamaxı”) çalışdırmış mütəxəssis bu barədə yerli “Tribuna” nəşrinə müsahibəsində deyib.

O, hazırda işsiz olduğunu və bir neçə ölkədən təklif aldığını bildirib: “Təkliflər var idi – Azərbaycandan, Qazaxıstandan və Sloveniyadan. Amma hələlik heç nə dəqiqləşməyib”.

57 yaşlı məşqçi Azərbaycana qayıtmaq ehtimalına da toxunub: “İndi isə Azərbaycandan mənə dedilər ki, gözləyin”.

Qeyd edək ki, Yuri Maksimov 2017-2018-ci illərdə “Keşlə”nin baş məşqçisi olub və komandanı Azərbaycan Kubokunun qalibi edib.