Krivotsyuk oynamadı, komandası uduzdu

Cənubi Koreya çempionatında 14-cü turun oyunları keçirilib.

Futbolxeber.az saytının məlumatına görə, Azərbaycan milli komandasının müdafiəçisi Anton Krivotsyukun çıxış etdiyi “Daejeon” səfərdə “Suvon”un qonağı olub. Görüş meydan sahiblərinin 3:0 hesablı qələbəsi ilə yekunlaşıb.

Krivotsyuk bu qarşılaşmanın iştirakçısı olmayıb. Onun adı matçın protokoluna daxil edilməyib.

Qeyd edək ki, 14 turdan sonra aktivində 28 xal olan “Daejeon” turnir cədvəlinin ilk pilləsində qərarlaşıb. Eyni xala malik “Joenbuk” ikincidir.