“Barselona”nın çempionluq paradında 670 min azarkeş

"Barselona" ötən gün Kataloniyada çempionluq paradı keçirib.

Futbolxeber.az saytının məlumatına görə, futbolçular və məşqçilər heyəti ikimərtəbəli avtobusda şəhər küçələrini gəziblər.

RTVE-nin yaydığı məlumata görə, 2024/25 mövsümündə komandanın üç kubok qazanmasını qeyd etmək üçün təxminən 670 min insan şəhərin küçələrinə axışıb.

Qeyd edək ki, 2 gün əvvəl “Barselona” “Espanyol”u məğlub edərək (2:0) mövsümün bitməsinə 2 tur qalmış çempionluğu rəsmiləşdirib. Bu, klub tarixində 28-ci La Liqa qalibiyyətidir.