“Olimpiya” yarımmüdafiəçisini “Eyüpspor”a satdı

"Qarabağ"ın Avropa Liqasının pley-off mərhələsindəki rəqibi “Olimpiya” (Sloveniya) futbolçusu Svit Seşlarla yollarını ayırıb.

Futbolxeber.az saytının məlumatına görə, 21 yaşlı yarımmüdafiəçi karyerasını Türkiyə “Eyüpspor”unda davam etdirəcək. “Olimpiya” Sloveniyanın gənclər millisinin də üzvü olan oyunçunun transferindən 2,5 milyon avro qazanıb.

Qeyd edək ki, Svit pley-offun ilk matçında “Qarabağ”a qarşı 72 dəqiqə oynayıb. Görüş Ağdam təmsilçisinin 2:0 hesablı qələbəsi ilə başa çatıb.

Əlavə edək ki, “Qarabağ”la “Olimpiya” arasında cavab oyunu avqustun 31-də Tofiq Bəhramov adına Respublika stadionunda keçiriləcək.