Musa Qurbanlının komandasından qələbə

Azərbaycan millisinin hücumçusu Musa Qurbanlının yeni komandası “Yurqorden” növbəti qələbəsini qazanıb.

Futbolxeber.az saytının məlumatına görə, Stokholm təmsilçisi İsveç çempionatının 15-ci turunda səfərdə “Vernamu” komandası ilə qarşılaşıb. Birinci hissədə hesabda geridə olan “Yurqorden” fasilədən sonra Şuller (69-cu dəq.) və Berqin (77-pen.) qolları sayəsində rəqibini 2:1 hesabı ilə məğlub edib. Bu qələbədən sonra 15 matçdan 27 xalı olan “Yurqorden” 4-cü yeri tutur. Lider “Malmö”nin 13 oyundan 34, ikinci pillədəki “Hekken”in 15 oyundan, üçüncü yerdə qərarlaşan “Elfsborq”un isə 13 oyundan 32 xalı var.

Qeyd edək ki, bu günlərdə Bakıya qayıdan M.Qurbanlı dünənki oyunda iştirak etməyib. Onun növbəti turun görüşlərində meydana çıxacağı gözlənilir.