“Rakuv” rəsmisi: “Qarabağ” keçə bilməyəcəyimiz rəqib deyil”

"Qarabağ"ın Çempionlar Liqasının 2-ci təsnifat mərhələsindəki potensial rəqiblərindən olan "Rakuv"un (Polşa) Müşahidə Şurasının üzvü Voytsex Tsıqan Ağdam təmsilçisi haqda fikirlərini bölüşüb.

Futbolxeber.az saytının Polşa mətbuatına istinadən verdiyi məlumata görə, o, "Qarabağ"ın əvvəllər avrokuboklarda Polşa klublarına futbol dərsi verməsi düşüncəsi ilə razı olmadığını dilə gətirib:

"Kimsə deyə bilər ki, “Qarabağ” Polşa komandalarını təqib edir. Yarım il əvvəl Türkiyədə bu komanda ilə yoxlama oyununda üz-üzə gəlmək imkanımız oldu və qələbə qazandıq (3:0). Məntiqi baxımdan bu, Estoniyada oynamaqdan daha böyük problem olacaq. Ancaq ən önəmlisi meydanda nə olduğudur. “Qarabağ” əlbəttə ki, bizim keçə bilməyəcəyimiz rəqib deyil. Çempionlar Liqasının seçmə mərhələsindəki ilk rəqibə diqqət yetiririk. İndi ən vacib olan budur".

Qeyd edək ki, "Qarabağ" 1-ci təsnifat mərhələsində Cəbəllütariq "Linkoln"unu keçərsə, 2-ci təsnifatda “Rakuv” (Polşa) - “Flora” (Estoniya) cütünün qalibi ilə üz-üzə gələcək.

Futbolxeber.az-ın teleqram kanalına abunə olun