Rafinya “Barselona”da qalır

“Barselona”nın hücumçusu Rafinya klubdakı gələcəyi barədə danışıb.

Futbolxeber.az saytının “Mundo Deportivo”ya istinadən verdiyi məlumata görə, 26 yaşlı futbolçu Kataloniya klubundan ayrılmaq fikrində olmadığını bildirib:

“Barselona”dakı çıxışını növbəti mövsümdə də davam etdirəcəm. Özü də təkcə növbəti yox, sonrakı mövsümlərdə də. Klubla uzunmüddətli müqaviləm var. İnanıram ki, buradakı arzularımı reallaşdıracağam”.

Qeyd edək ki, Rafinya “Barselona”da ötən ilin yayından çıxış edir. Braziliyalı forvardın klubla müqaviləsi 30 iyun 2027-ci ilə kimidi. Son mövsümdə o, bütün turnirlər nəzərə alınmaqla meydana çıxdığı 50 oyunda 10 qol, 12 məhsuldar ötürmə ilə yadda qalıb.

Futbolxeber.az-ın teleqram kanalına abunə olun