Mançini: “Ortada titul olmasa da, qələbə qazanmağa çalışacağıq”

İtaliya millisinin baş məşqçisi Roberto Mançini bu gün UEFA Millətlər Liqasında III yer uğrunda Niderlanda qarşı keçirəcəkləri oyundan danışıb.

Futbolxeber.az saytının məlumatına görə, o, meydana qələb üçün çıxacaqlarını bildirib: “Qrup mərhələsində komandamızın heyətində xeyli sayda gənc futbolçu çıxış edirdi. Hansıları ki, siz daha əvvəl tanımırdız. İndi onlardan bir qismi gənclər millisinin düşərgəsindədi. Bundan başqa, yarımfinaldan öncə Bastonini itirdik. Bir sözlə, problemlərimiz var idi. Bizim sevimli düzülüşümüz - 4-3-3-dü. İspaniya ilə oyunda ilk hissədə çox yaxşı təsir bağışladıq. Lakin ikinci yarıda fiziki cəhətdən təslim olduq. Niderlandla oyunda 4-3-3 taktiki düzülüşünə qayıdacağıq. Güclü komandaya qarşı mübarizə aparacağıq. Qələbə qazanmaq üçün əlimizdən gələni edəcəyik, ortada titul olmamasına baxmayaraq”.

Qeyd edək ki, bürünc medal uğrunda keçiriləcək Niderland - İtaliya oyunu Bakı vaxtı ilə 17:00-da keçiriləcək. Finalda isə Xorvatiya İspaniya ilə üz-üzə gələcək.

Futbolxeber.az-ın teleqram kanalına abunə olun