“Benfika”nın baş məşqçisi: “Futbolda mümkünsüz heç nə yoxdu”

“Benfika”nın baş məşqçisi Rocer Şmidt Çempionlar Liqasının 1/4 final mərhələsində “İnter”ə qarşı keçirəcəkləri cavab oyunu barədə danışıb.

Futbolxeber.az saytının məlumatına görə, ilk matçdakı məğlubiyyətə baxmayaraq, alman mütəxəssis komandasının mərhələ adlamasına inanır:

“Son oyunda futbolçular komandaya yox, özlərinə köklənmişdilər. Ona görə də uduzduq. Amma həmin məğlubiyyətin əvəzini çıxa bilərik. İlk dəqiqələrdən irəli atılacağıq. Nə qədər tez rəqib qapısına yol tapa bilsək, bir o qədər yaxşı olar. Mən hər zaman komandama inanmışam. Futbolda mümkünsüz heç nə yoxdu”.

Qeyd edək ki, ilk matçda “Benfika” öz meydanında “İnter”ə 0:2 hesabı ilə uduzub. Bu gün komandalar arasında Milanda keçiriləcək cavab oyunu Bakı vaxtı ilə 23:00-da start götürəcək.