Arteta: “Mançester Siti” ilə oyunu səbirsizliklə gözləyirəm”

“Arsenal”ın baş məşqçisi Mikel Arteta İngiltərə Premyer Liqasında “Mançester Siti”yə qarşı keçiriləcək oyunu səbirsizliklə gözləyir.

Futbolxeber.az saytının məlumatına görə, bu haqda ispan mütəxəssis açıqlamasında deyib:

“Bu oyunu səbirsizliklə gözləyirəm. Həmin matçda bütün kartlar ortaya qoyulacaq. Lazımi qələbəni qazanmaq lazımdı. Futbolun da gözəlliyi məhz bundadı. Sən hər zaman birinci olmaq istəyirsən. Bizi Mançesterə inanılmaz səfər gözləyir. Bu görüşə çox ciddi hazırlaşırıq. Amma bu, final oyunu deyil. Çünki qarşıda hələ 6 matç var. Komandamda inanılmaz istək var və bu, məni çox sevindirir”.

Qeyd edək ki, hazırda 75 xalı olan “Arsenal” turnir cədvəlində “Mançester Siti”ni 5 xal qabaqlayır. Lakin mançesterlilərin ehtiyatda 2 oyunu var.