Kaysedo “Real”da oynamağı arzulayır

“Brayton”un yarımmüdafiəçisi Moyses Kaysedo gələcək karyerası haqda danışıb.

Futbolxeber.az saytının məlumatına görə, ekvadorlu futbolçu “Real”da forma geyməyi arzulayır:

“Real”ın oyununu çox bəyənirəm. Həmişə bu klubun formasını geyməyi xəyal etmişəm. Bir gün “Real”a transfer olunacağıma və Çempionlar Liqasını qazanacağıma inanıram. Bu, mənim ən böyük arzumdu”.

Qeyd edək ki, 2021-ci ilin fevralından “Brayton”da çıxış edən 21 yaşlı futbolçu cari mövsüm 28 matçda 1 qol vurub.