“Arsenal” çempion olmaq üçün “Mançester Siti”ni məğlub etməlidi”

“Liverpul”un keçmiş müdafiəçisi Ceymi Karrager “Arsenal”ın çempionluq şansını dəyərləndirib.

Futbolxeber.az saytının məlumatına görə, “Sautgempton”la heç-heçədən (3:3) sonra veteran futbolçu bildirib ki, “topçular” çempion olmaq üçün mütləq “Mançester Siti”ni məğlub etməlidi:

“Neytral azarkeş üçün “Arsenal” - “Sautgempton” oyunu kifayət qədər maraqlı alındı. Amma hər iki komanda üçün 1 xal məyusluqdu. Bu xal itkisi “Arsenal”a baha başa gələ bilər. Onlar indi çempion olmaq üçün mütləq səfərdə “Mançester Siti”yə qalib gəlməlidilər. Məncə, hər şey yenə də “Arsenal”ın öz əlindədi”.

Qeyd edək ki, “Arsenal” 75 xalla lider olsa da, ikinci pillədə qərarlaşan və 70 xalı olan “Mançester Siti” rəqibindən 2 oyun az keçirib.