“Mbappedə kapitan olmaq üçün lazım olan bütün keyfiyyətlər var”

“Milan”ın hücumçusu Olivye Jiru Fransa millisinin yeni kapitanı Kilian Mbappe haqda danışıb.

Futbolxeber.az saytının məlumatına görə, 35 yaşlı forvard Mbappenin kapitanlığa tam layiq olduğunu bildirib:

“Mbappedə kapitan olmaq üçün lazım olan bütün keyfiyyətlər var. O, nəsillər arasında körpü rolunu oynayır, mətbuatla münasibətləri qaydasındadı. Kilian ondan nə tələb olunduğunu çox yaxşı bilir. Üstəlik, paltardəyişmə otağında da çox yaxşı çıxış edir. Özü də sarğını daşımağı çox istəyirdi”.

Xatırladaq ki, DÇ-2022-dən sonra Uqo Loris Fransa millisindəki çıxışını başa vurub. Onun gedişindən sonra komandanın kapitan sarğısı Kilian Mbappeyə tapşırılıb.