“ÇL yolunda vacib qələbə qazandıq”

“Latsio”nun yarımmüdafiəçisi Luis Alberto A seriyasının 29-cu turunda “Yuventus” üzərində qazanılan qələbədən razı qalıb.

Futbolxeber.az saytının məlumatına görə, o, komandasının vacib 3 xal əldə etdiyini bildirib:

“Bu, Çempionlar Liqasına vəsiqə uğrunda mübarizədə çox vacib qələbə idi. Hazırda yaxşı formadayıq. Uğurlu çıxış edirik. “Yuventus”la matçda da komandamız yaxşı təsir bağışladı. Həm göstərilən oyundan, həm də qazanılan nəticədən tam razıyam. Ümid edirəm ki, mövsümün sonuna kimi bu tempdə də qalacağıq”.

Qeyd edək ki, “Yuventus”la oyunda qazanılan qələbə sayəsində xallarının sayını 58-ə çatdıran “Latsio” ikinci pillədə qərarlaşıb.