Ançelotti: “Barselona” ilə oyundan sonra çox yorğun idik”

“Real”ın baş məşqçisi Karlo Ançelotti La Liqanın 28-ci turunda “Vilyarreal”dan alınan məğlubiyyəti (2:3) şərh edib.

Futbolxeber.az saytının məlumatına görə, italiyalı mütəxəssis komandasında yorğunluq olduğunu bildirib:

“Oyun çətin keçdi. Rəqib topla əla rəftar edirdi. Topu özümüzə çətinliklə qaytarırdıq. Hesabı 3:1 etmək üçün yaxşı şansımız var idi. Həmin epizodda fərqlənsəydik, qalan dəqiqələrdə tempi aşağı salıb, matçı qələbə ilə başa vuracağdıq. Təəssüf ki, bu, baş vermədi. Üstəlik, yaxşı müdafiə olunmurduq. Matçın çətin keçəcəyi əvvəldən məlum idi. Həm rəqib zəif deyil, həm də “Barselona” ilə oyundan sonra çox yorğun idik. İndi önümüzə baxmalıyıq. Çərşənbə günü bizi “Çelsi” ilə vacib matç gözləyir. Əminəm ki, həmin görüşdə komanda daha enerjili olacaq”.