Kapitandan qələbə şərhi: “Everton”a nəfəs almağa imkan vermədik”

“Mançester Yunayted”in kapitanı Harri Maquayr İngiltərə Premyer Liqasının 30-cu turunda “Everton”u 2:0 hesabı ilə məğlub etdikləri görüşü şərh edib.

Futbolxeber.az saytının məlumatına görə, ingilis müdafiəçi komandasının əla çıxış etdiyini bildirib:

“Bu gün aqressiv oynadıq, 90 dəqiqə boyunca meydanda dayanmadıq. Demək olar ki, bütün matçı meydanın rəqibə aid olan hissəsində keçirdik, onlara göz açmağa imkan vermədik. Yeganə mənfi məqam cəmi 2 qol vurmağımızdı. Qarşıdakı oyunlarda əlimizə düşən fürsətləri daha çox dəyərləndirməliyik”.

Qeyd edək ki, bu qələbə sayəsində xallarının sayını 56-ya çatdıran “Mançester Yunayted” turnir cədvəlində üçüncü pilləyə yüksəlib.