Tuhel: “Futbolda mümkünsüz heç nə yoxdu”

“Bavariya”nın baş məşqçisi Tomas Tuhel Çempionlar Liqasının 1/4 finalında “Mançester Siti”yə qarşı keçirəcəkləri cavab oyunu barədə danışıb.

Futbolxeber.az saytının məlumatına görə, ilk görüşdə 0:3 hesablı yenilgiyə baxmayaraq, alman mütəxəssis komandasının revanş barədə düşündüyünü bildirib:

“Konsentrasiyamızı qorumalıyıq. Bəlkə də bu, yerinə yetirilməsi mümkün olmayan tapşırıq kimi görünür. Amma unutmayaq ki, futbolda mümkünsüz heç nə yoxdu. Bəli, biz cavab görüşündə 0:3-ün revanşını almaq istəyirik. Komandama inanıram. Biz bunu bacara bilərik”.

Qeyd edək ki, “Bavariya” və “Mançester Siti” arasında cavab oyunu aprelin 19-da Münhendə keçiriləcək. Görüş Bakı vaxtı ilə 23:00-da start götürəcək.