Ten Haq: “Azarkeşlərin önündə utanıram”

“Mançester Yunayted”in baş məşqçisi Erik ten Haq İngiltərə Premyer Liqasının 26-cı turunda “Liverpul”dan alınan 0:7 hesablı məğlubiyyəti şərh edib.

Futbolxeber.az saytının “Sky Sports”a istinadən verdiyi məlumata görə, niderlandlı mütəxəssis futbolçularını qeyri-peşəkarlıqda günahlandırıb:

“İkinci hissədə biz özümüzə oxşamırdıq. Bu, bizim səviyyəmiz deyil. Komanda təsiri bağışlamadıq. Fasilədən sonra göstərdiyimiz oyuna görə çox əsəbiyəm. Son aylarda hər kəs görürdü ki, biz qalib ruhuna malikik. Lakin bu gün meydanda başımızı itirmişdik. Futbolçular öz işlərini görmürdülər. Bu, qeyri-peşəkarlıqdı. Azarkeşlərin etimadını doğrultmadıq. Buna görə çox məyusam. Bu, ilin ən pis oyunu idi. Nəticədən dərs almalıyıq. Bu gün “Enfild”ə gələn bütün azarkeşlərə minnətdaram. Stadonu tez tərk etdikləri üçün onları qınaya bilmərəm. Azarkeşlərin önündə utanıram”.

Xatırladaq ki, bu, “Mançester Yunayted”in “Liverpul”dan aldığı ən ağır məğlubiyyətdir.