“Neftçi”ni səhvlərə məcbur etdik”

Polşanın “Medz Leqnitsa” klubunun baş məşqçisi Qzeqorj Mokri “Neftçi”yə 2:1 hesabı ilə qalib gəldikləri yoxlama görüşü ilə bağlı fikirlərini bildirib.

Futbolxeber.az-ın məlumatına görə, o, görüşdən sonra klubun rəsmi saytına açıqlamasında deyib:

“Neftçi”ni səhvlərə məcbur etdik, asanlıqla qol imkanları yaratdıq. Çox yaxşı müdafiə olunduq. Çox sayda hücuma yüksək səviyyədə çıxışlarımız oldu. Üstəlik, kifayət qədər qol vəziyyətlərimiz oldu. “Neftçi”yə qol hədiyyə etdiyimiz üçün təəssüflənirəm. Bu cür səhvləri aradan qaldırmalıyıq ki, növbəti matçlarda bir daha təkrarlanmasın”.