Koronavirusa yoluxan Rüştüdən bəd xəbər: vəziyyəti kritikdi

Koronavirusa yoluxan Türkiyə millisinin sabiq qapıçısı Rüştü Reçbər hazırda xəstəxanadadır.

Futbolxeber.az saytının məlumatına görə, son bir sutkada 46 yaşlı veteran qapıçının vəziyyəti pisləşib. Hazırda o kritik durumdadır.

Maraqlıdır ki, Rüştünün durumu ilə bağlı məlumatı “Marca” Türkiyə mətbuatına istinadən yayıb. Türkiyə KİV-i, eləcə də “Milliyet” isə “Marca”ya istinad edir.

Veteran qapıçının virusa yoluxması barədə onun xanımı İşil Reçbər açıqlama vermişdi.

Xatırladaq ki, Rüştü Türkiyə yığmasında oyun sayına görə rekordçudur. “Fənərbaxça” və “Barselona”nın sabiq qapıçısı 2012-ci ildə karyerasını “Beşiktaş”da bitirib.