“Saraqosa” “Qəbələ”yə yaxınlaşdı

UEFA Gənclər Liqasının Çempionlar yolunun I mərhələsində 1 oyun keçirilib.

Futbolxeber.az saytının məlumatına görə, II mərhələdə “Qəbələ”nin mümkün rəqibləri olan “Saraqosa” və “Korona Kielce”nin U-19 komandaları arasında ilk görüş baş tutub.

İspaniyada keçirilən matçda “Saraqosa” 1:0 hesablı qələbə qazanıb. Matçın taleyini həll edən yeganə qolu 43-cü dəqiqədə Martin vurub. Bu komandalar arasında cavab oyunu 2 həftə sonra Polşada keçiriləcək.

Xatırladaq ki, “Qəbələ” ilk görüşdə səfərdə APOEL-lə 1:1-lik bərabərliyə nail olub. Oktyabrın 24-də Qəbələdə keçiriləcək cavab matçında təmsilçimizi mərhələ adlamaq üçün qolsuz bərabərlik də qane edir.