Zidan istefa verdiyini açıqladı: “Bu, gözlənilməz gedişdir”

Zinəddin Zidan “Real”ın baş məşqçisi vəzifəsindən ayrılıb.

Futbolxeber.az saytının məlumatna görə, bu haqda fransız mütəxəssis özü az əvvəl keçirdiyi mətbuat konfransında açıqlama verib:

“Mən “Real”dakı işimi bitirmək qərarına gəldim. Bu, gözlənilməz gedişdir. Amma daim qələbəyə can atan komandada dəyişikliklər olmalıdır. Həm kluba, həm də onun prezidentinə hörmətlə yanaşıram”.

Qeyd edək ki, Zidan “Real”ı 2015/16 mövsümünün ortasından çalışdırırdı. Onun rəhbərliyi altında “Kral Klubu” ardıcıl 3 dəfə Çempionlar Liqasının qalibi olub. Bundan başqa, 45 yaşlı mütəxəssisin başçılığı altında Madrid təmsilçisi ölkə çempionatını, ölkə superkubokunu (2 dəfə), UEFA Superkubokunun (2 dəfə), klublararası dünya çempionatını (2 dəfə) qazanıb.

Ümumilikdə, Zidan "Real"a 9 titul qazandırıb ki, bu, onadək son 8 ildə kluba rəhbərlik edən 6 mütəxəssisin qazandıqlarından daha çoxdu.