"Fərid Nəbiyev "Slaviya"nın tankı olacaq"

"Bəzi futbolçular, xüsusilə Andrey Sintean və Fərid Nəbiyev çox istedalıdırlar. Onlar komandanın tankları olacaq, komandanın liderlərinə çevriləcəklərini düşünürəm”.

Futbolxeber.az saytının qol.az-a istinadən verdiyi məlumata görə, bu sözləri  Praqa “Slaviya”sının U-21 komandasının baş məşqçisi Pavel Rehak klubun saytına deyib.

O, 19 yaşadək futbolçulardan ibarən millimizin üzvü F.Nəbiyevin komandada uyğunlaşa dönəmi keçirdiyini bildirıib: "Yeni futbolçular fərqli mühitdən gəliblər. Əvvəlki komandalarında başqa atmosferdə idilər. Hərdən mənə elə gəlirdi ki, uşaqlar topu özlərində çox saxlayır və fərdi oyuna üstünlük verirlər. Topu itirdikdən sonra reaksiya göstərməkdə gecikirdilər. Yeni gələnlər başqa mühitə öyrəşdiklərindən, bizim ab-havaya uyğunlaşmalıdılar. Çoxu Balkan ölkələrindəndir, təkcə Fərid Nəbiyev Azərbaycandan gəlib”.